Chapter Seventeen

Nang matapos kumain ang lahat, nag-alok akong maghugas ng pinggan.  Pero agad akong nagsisi nang sabihin sa akin ng tatay ni Liam na sanay akong maging waitress, na kahit sa bahay nila ay gusto ko pang maghugas ng pinggan.

Hindi ata siya aware na hindi naman tagahugas ng plato ang mga waitress. G

“Madam, pwede na po ba kaming umakyat?” magalang kong tanong na ina ni Liam. 

Gusto ko nang umakyat dahil ramdam ko na ang bigat ng paghinga nina Trina at Eliz. Gaya ko ay nasaktan rin sila sa mga narinig kanina.

Alam kong hindi kami mayaman tulad nila, kaya ganun na lang ang pakikitungo sa amin ng ama ni Liam.

“Crystal honey, you'll sleep in Liam’s room, whether you like it or not. Kailangan niyong masanay na matulog nang magkasama.” Mahinhin na sabi ng nanay ni Liam.

“Madam, mas magiging maayos ho sa akin kung kasama ko ang kapatid at kaibigan ko.”