Ibinalik ko ang litrato sa drawer, kinuha ko ang Laptop na nakapatong sa side table at mabilis na lumabas ng kwarto. Nakita ko ang tatlo sa sala na nanonood ng TV, napatingin ako kay Damon na seryosong naka-tingin sa TV, mukhang hindi naiintindihan ang pinapanood at parang may malalim na iniisip. Napakagat ako sa labi ko.
Nang makababa ako ay pilit ko silang nginitian, "L-let's eat?" anyaya ko sa kanila at itinuro ang kusina.
"Let's go!" maligayang sabi ni Ariana at masayang pumunta sa kusina, sumunod sa kaniya si Marco at ang pang-huli ay si Damon.
Tinignan ako ni Damon at inirapan 'saka dire-diretsong nagpunta sa kusina.
Napasinghal ako, "Anong problema ng isang 'yon?" inis kong bulong sa sarili at 'saka sila sinundan.
Kumuha ako ng apat na plato at nilagyan iyon ng carbona.
"Kain," masiglang sabi ko at 'saka umupo sa upuan, katabi si Ariana.
Masayang kinuha ni Ariana ang tinidor at nagsimulang kumain. Tignan mo ang is
