CHAPTER 33
Laglag pa rin ang panga ko habang naka-tingin kay Damon. Naka-ngisi lamang siya habang naka-tingin sa wala ring masabi na si Terrence.
Tahimik lahat ng kaklase ko. Parang may dumaang anghel dahil sa sobrang katahimikan. Nakita ko rin sa gilid ng mata ko na naka-tingin sila sa'min.
Shit! Damn you, Damon!
Sobrang lakas ng kabog ng dibdib ko. Kinakabahan ako na baka sabihin niya ang nangyari sa'min kahapon. Hindi pwede!
Nahihiya akong malaman nila na ako pa mismo ang humalik kay Damon.
Sila Ariana ay wala ring imik sa tabi ko. Parang gulat na gulat sila at wala ring makapang words na sasabihin.
Nakakainis. Bakit ba kasi sa'kin pa sinubukan ni Ariana ang lipstick niya.
At bakit pa kasi sinabi ni Terrence 'yon.
Napakurap ako nang umiwas ng tingin si Damon. Narinig ko ang mahinang tawa ni Marco kaya mas lalo akong kinabahan.
Bumalik lang ang takbo ng oras nang bigla kaming naka-rinig ng kalabog.
