UMILING-ILING SI Naomi, bakas ang pagmamakaawa sa kaniyang mukha na paniwalaan siya habang nakatingin siya kay Grayson, Christopher at Levie na nasa harap niya ngayon. Lahat sila'y nakatingin sa kaniya na para bang isa siyang kriminal sa mga mata nilang lahat.
"W-wala akong ginagawa, h-hindi ko alam! ma...m-maniwala ka sa akin, Grayson wala akong masamang ginagawa kay—"
"Enough, Naomi dahil ikaw ang nasa loob ng kwarto ni Lola Marina nang mangyari sa kaniya iyon at ikaw lang ang maaring magpatay ng ventilator na nakakabit sa kaniya at kapag may nangyaring masama sa kaniya, ikaw...ikaw ang mananagot," galit na putol ni Christopher sa paliwanang niya.
Hindi niya alam ang tungkol doon. Wala siyang alam na hindi pala gumagana ang ventilator na nakakabit kay lola Marina.
"Huling-huli ka na sa akto, Naomi pero nagsisinungalin ka pa rin! Ikaw lang ang may masamang intensyon sa kaniya at ikaw ang dahilan kaya nangyari sa kaniya iyon. Ngayon pa lang pwede ka na naming ipadampot sa mga pulis
