Larkin POV
Gusto kong umalis ng bahay, iligtas si Khaliyah, kaya lang sinabi sa akin ni Don Yanu na hindi ako puwedeng lumabas ng mansiyon niya. Sa oras na lumabas at umalis ako, kalaban na rin daw ang turing niya sa akin.
Napapaiyak na lang tuloy ako ng tahimik habang nakatitig sa kawalan, kabadong-kabado ako kasi alam kong matinik pagdating sa mismong labanan sina Bak at Bok. Kung inutos ni Don Yanu na patayin na si Khaliyah, gagawin nila kasi grabe talaga magbigay ng pera si Don Yanu.
Ang problema kasi kay Don Yanu, naniwala agad siya na pinatay ni Khaliyah si Yanna. Dahil lang sa sinabi nila Bak at Bok na hindi naman kasama noon sa Baguio. Naniwala ang dalawang tangang iyon sa sinabi lang ni Amedeo.
Napatingin ako sa hagdan nang makita ko si Don Yanu. Nakatingin siya sa akin habang hawak ang baril niya. Hindi ako natakot, kung mamamatay lang din naman ang dahilan nang pagsisikap kong maging malakas, mabuti pang tapusin na rin niya ako.
Lumapit siya sa akin nang hindi ako kumikibo.
