Nang matapos silang mag almusal, napagdesisyunan muna nilang lahat na maligo sa dagat habang hindi pa ganun katindi ang sikat ng araw. Binuhat ni Paul at Cris si lolo gamit mismo ang wheelchair papunta sa dagat habang Inaantay nila si lola para samahan si lolo sa pagliligo. Nagbihis muna ito ng pampaligo kasama sina Nadine at Jen.
Unang lumabas si Jen na naka one-piece swimsuit dahil ayaw ni Cris na mag two-piece siya. Sumunod si Nadine, kagaya rin ni Jen one-piece din ang suot. Halos mabitawan ni Paul at Cris si lolo habang nakatingin sa dalawa habang naglalakad papalapit sa kanila. Si mang Berto, mama Emily, Jane at nay Nita naman ay napako ang atensiyon sa sunod na lalabas - si lola. Sapong sapo na ni mama Emily ang kanyang dibdib na para bang natatakot sa susunod na lalabas.
Napatawa naman si Nadine at Jen, na kanina pa pala pinagmamasdan silang lahat.
"Kinakabahan kayo noh" patawang sabi ni Jen. Biglang takbo ulit si Jen papunta kung saan naroon si lola. Habang hindi pa nila n
