Hindi mapakali si Blake habang pinapanood ang live footage mula sa mga security cameras. Ang bawat galaw ni Allie ay nakakaantig sa kanyang puso. Kitang-kita niya kung paano sinubukan ni Allie na magpanggap na kalmado habang hinahatak siya ng tauhan ni Gerald.
“Anong plano natin, Blake?” tanong ni Marcus, na naroon sa van kasama ang team.
“Hindi ko hahayaan na mapahamak siya,” sagot ni Blake na puno ng determinasyon.
“Marcus, ihanda ang lahat. Kukunin natin siya kahit anong mangyari.”
Dinala si Allie sa isang silid na may kakaunting ilaw. Ang tauhan ni Gerald ay tumawag gamit ang kanyang radyo, tila may iniutos sa iba pang mga tauhan.
“Bakit ka narito? Sino ka talaga?” tanong ng lalaki habang sinusuri siya mula ulo hanggang paa.
Kahit nanginginig sa kaba, nanatiling matatag si Allie. “Ano bang akala mo? Isa akong bisita sa gala. Wala akong alam sa mga sinasabi mo.”
Hindi kumbinsido ang lalaki at tila nagpaplano ng mas malala. “Hindi ka basta-basta nakapasok dito nang walang dahilan. Ta
