Agad na hinablot ni James ang braso ni Hugo at hinawakan niya ito ng mahigpit.
Nagpumiglas si Hugo ngunit hindi siya makawala. Agad na namula ang kanyang mukha sa sobrang hiya, at sumigaw siya, "Bitawan mo ako, g*go!"
Binitawan siya ni James ngunit inangat niya ang kanyang paa upang sipain si Hugo.
Tumalsik ng ilang metro si Hugo, at humampas sa lupa ang kanyang katawan. Umungol siya sa sakit.
Nagulat ang mga kasama niya sa nangyari. Masyadong malakas ang kalaban nila.
"Bakit nakatayo lang kayo diyan? Umatake kayo at patayin niyo siya!" Sumigaw si Hugo mula sa lupa.
Agad na nahimasmasan ang ibang mga estudyante at nilabas nila ang kanilang mga patalim upang takutin si James.
Subalit, bigla silang sinugod ni James.
Paglipas ng ilang segundo…
Nakahiga na sa lupa ang mga estudyante, at sumisigaw sa sakit.
Tumingin si Maxine kay James ng may kakaibang ekspresyon at napaisip, 'Talagang napakahusay niyang lumaban. Nagawa niyang pabagsakin ang ilang tao ng ganun kadali.'
"S
