MADILIM NA dahil halos mag-aalas syete na ng gabi pero matyaga niya pa ring inaantay matapos ang basketball practice nila Kristoff. Gusto niya kasi itong tanungin. Hindi niya na ito mahagilap kanina kaya naman nagtungo siya dito sa gym. Tiyempo naman na may practice pala sila Kristoff.
Nakatawag na siya sa Daddy niya na gagabihin siya nang uwi. Nagsinungaling na lang siya na may gagawin silang project.
Napatayo siya mula sa pagkakayukyok sa semento nang makitang papalabas na ang mga ka-team ni Kristoff. Tapos na ang practice ng mga ito. Pasimple siyang gumilid para hindi mapansin ng mga lumalabas. Sumilip siya sa loob nakita niya si Kristoff na kausap pa ang coach nito. Nilibot niya ang paningin, wala si Elizabeth kaya naman kampante siya na makakausap niya si Kristoff.
Nang umalis na ang coach nito naiwan nang nag-iisa si Kristoff sa loob ng gym. Mukhang wala pa itong balak umuwi dahil kinuha nito ang bola at nag simula ng mag-pratice mag-isa.
Huminga mu
