DANIEL POV
"Once na lumabas na sa korte ang papel na tuluyan nang napawalang bisa ang kasal niyong dalawa ni Bianca..papakasalan ko na siya!" bigkas ni Arnold na parang bomba na sumabog sa pandinig ko. Para iyung isang matalim ng punyal na biglang tumarak sa kaibuturan ng puso ko.
Kaya pala bigla niya akong niyaya na lumabas ng coffee shop dahil ito pala ang sasabihin niya sa akin. Gusto niyang pakasalan si Bianca. Gusto niyang tuluyang ilayo sa akin ang asawa ko!
"What? Kasal? Ang bilis naman?" wala sa sarili kong bigkas.
"Daniel, alam natin pareho na matagal akong naghintay! Actually, hindi ako sang-ayon na ipapakilala ka ni Bianca sa dalawang bata pero since anak mo naman sila wala na akong magagawa pa!" muling bigkas niya sa akin.
Wala sa sariling napatitig ako kay Arnold. Kapatid ko ba talaga ang taong ito? Bakit feeling ko wala siyang pakialam sa akin? Bakit pakiramdam ko napaka-makasarili niya! Hindi niya man lang ba naramdaman kung gaano kasakit sa akin ang hindi pa
