Nang makauwi sila sa safehouse ay kaagad na binuhat ni Kent si Coop upang makapagpahinga na sa kwarto.
Paglabas niya ng pinto ay nakita niya si Jaydah sa kabilang kwarto, nakatalikod ito at animo'y nagpupunas ng luha.
Maingat niyang sinara ang pinto ng kwarto ni Coop at lumingon ulit kay Jaydah, pagtingin niya dito ay may hawak na itong first aid kit.
"Gamutin natin 'yang mga sugat mo," saad niya kay Kent at saka kinuha ang braso nito ngunit kumalas si Kent sa paghawak niya.
"No. I'm fine, you should get to sleep," saad niya kay Jaydah.
"Kent," saad ni Jaydah.
"Fine," saad ni Kent, iginiya naman siya ni Jaydah sa sala at doon ay umupo sila pareho, sinimulang kumuha ni Jaydah ang alcohol at bulak at saka idinampi sa mukha ni Kent.
"Ah-aray! Aray! Mahapdi!" reklamo ni Kent na napapangiwi sa sakit.
"I'm sorry, I'll be more careful," saad ni Jaydah na dahan-dahang dinampi ang bulak na may alcohol sa mukha ni Kent.
Ngunit habang ginagawa niya iyon ay hindi nakikisama ang kanyang k
