Nahihirapan si Aella na pakalmahin ang sarili. Para siyang paulit-ulit na sinasaksak ng mga salita ni Theodore na halatang may pabor kay Scarlet. Kahit ilang beses niyang ipaalala sa sarili na sumusuko na siya ay patuloy pa rin nasasaktan ang kanyang puso.
Lumabi siya. Sinikap ibalik sa dati ang sarili dahil ayaw n'yang maapektuhan si Angelica, at ang tanging magagawa niya ngayon ay sikmurahin muna ang mga negatibong emosyon.
Iniwan ni Angelica ang laruan at lumapit l sa kanya. Dumiretso siya sa playground nito matapos ng mainit nilang pagtatayo ng kanyang asawa.
"Mommy..." malambing na tawag ni Angelica.
Napabuntong hininga siya at pinigilan umiyak. "What's wrong my, baby?"
Sa halip na sumagot ay nilahad nito ang kamay. "Mommy eat... masarap ito."
Binaba niya ang tingin sa kamay nito at nanlaki ang mata nang makita ang paborito nitong lollipop. Binibigay niya 'yon tuwing pinapatahan niya. Hindi niya inaasahan na kaya nitong malaman na nalulungkot siya at maalala nito ang
