"Kitty! H-Hanapin natin si Baby Rebecca! H-Hindi siya pwedeng mawala!" nag-he-hysterical na sabi niya sa kasama.
Para siyang mababaliw sa mga oras na 'yon. Wala na siyang pakialam sa kung ano ang iisipin ng mga tao sa paligid kahit na halos maglupasay na siya sa sahig sa takot sa maaaring mangyari sa baby.
"Ma'am, relax lang po. Hihingi tayo ng tulong."
May agad namang rumesponde sa pinangyarihan ng krimen. Lumapit ang isa sa mga security guard ng establismentong 'yon upang usisain ang nangyari. Ang isang staff naman ay tumawag na ng otoridad na mag-ha-handle ng kaso.
Kitty even contacted Roman, hindi na niya kasi makuhang mag-isip nang matino.
"Hello, Kitty?" sagot ni Roman mula sa kabilang linya.
"S-Sir . . ." pautal-utal na sambit nito, hindi maitago ang takot sa tinig.
Nangunot ang noo ni Roman. "May problema ba?"
Maging ang kasama niyang si Evo ay nahinto saa ginagawa. Kasalukuyan silang naglalaro ng billiards sa lugar ng kaniyang kaibigan.
"Ano? Sige! Diyan lang kayo! Papunta na
