Dahil hindi pa masyadong inaantok ay kumuha ng isang libro si Nathalie sa bookshelf na nasa loob ng kuwarto ni Caleb. Pinuntahan ng asawa sa kuwarto ang kanyang nanay at kakausapin niya daw muna ito.
Pagbukas niya ng pinto sa veranda ay sinalubong siya ng mainit na simoy ng hanging-gabi. Kahit July na at malapit na mag-ber months ay mainit pa rin ang simoy ng hangin sa Pilipinas.
Pumuwesto siya sa sofa na nasa veranda, at itinaas ang mga tuhod bago nagsimulang buklatin ang libro. Isa itong libro tungkol sa quality management. Habang maaga ay gusto niyang pag-aralan ang pagbi-business. May mga natutunan na siya noong first year at second year college, pero dahil nga hindi siya nakakapasok ay wala siyang natutunan ngayong taon.
Nakakatatlong page pa lang siya nang biglang bumukas ang pinto at lumabas si Caleb na madilim ang mukha. Mukhang hindi naging maganda ang naging pag-uusap nito at ng kanyang ina.
Mabilis niyang iniiwas ang tingin sa magandang katawan ng asawa dahil wala na itong
