"Kumusta na raw si bunso, Mama?"
"Iyan ang tanong na hindi ko masagot, anak. Dahil hindi ko pa siya nakausap ng maayos."
"Si bayaw, hindi mo po natawagan?"
Sa muling pagtanong ng panganay na anak ay hindi agad nakasagot si Aling Merced. Dahil sa katunayan ay parehas lamang na wala siyang nakausap sa dalawa. Kaso sa pananahimik niya ay si Glaiza naman ang nagsalita.
"May problema po ba, Mama? Natahimik ka na po," anito.
Kaya naman ay hinarap niya ito.
"Sa katunayan ay matagal-tagal ko na ring hindi nakausap ang hipag mo, anak. Kahit ang asawa niya ay ganoon din. Simula nakauwi tayo rito sa Leyte noong araw sana ng kasal nila ay minsan ko pa lang sila nakausap," pahayag niya.
"Iyan nga po ang rason kung bakit ko sila kinukumusta. Ilang araw na lamang din ay kasal na namin ni Glaiza ngunit mukhang walang makadalo kahit isa sa kanila," muli ay wika ni Jun-jun.
"Kung hindi man sila makadalo ay unawain na lamang natin, anak. Hindi rin biro ang pinagdaanan nilang mag-asawa kaya't huwag na na
