Pinindot niya ang intercom na nakakonekta sa office ng sekretarya niya.
“Umalis na ba si Senator?” tanong niya nang sinagot nito ang tawag.
“Kakaalis lang, Attorney.”
“Pwede mo bang ihatid dito ang mga dokumentong iniwan niya?”
Hindi naman nagtagal ay dumating na si Tracy, dala ang dokumento ni Senator.
"Ang iba daw na mga papeles ay ipapahatid na lang niya."
Tumango siya saka isa-isang tiningnan ang mga papeles. Napunta ang mata niya sa address na nakalagay sa profile ni Senator... sa UK na pala ito nakatira.
Nandoon din kaya si Belle? Kaya pala hindi niya mahanap ang nobya. Doon pala nakatago sa ibang bansa kasama ang mommy nito.
Matatandaang sa UK naninirahan si Tita Lourdes. Doon din nagtago ang ginang noong may banta sa buhay nito dahil sa pambababae ni Senator.
Humugot siya ng malalim na hininga. “Ang tindi talaga ni Belle... ang bilis na lang sumuko.” Sa loob ng dalawang taon ay wala man lang paramdam kahit ano. Tuluyan na talaga siyang kinamuhian nito.
Well... sila lang ba ang
