"Sige na, iha... Utang na loob ko sa’yo kapag napatino mo si Gray. Ang gusto lang namin ay makagraduate siya sa college ng matiwasay. Hindi siya namin nagagawang bantayan ng 24/7. Kung doon ka mag-aaral kasama niya, ay may sasaway sa kanya, at mare-report mo sa amin ang ginagawa niyang kalokohan."
"As if naman makikinig siya sa akin, Ma'am!" muling sabi niya.
"Don’t worry, ako ang bahala. Ang gusto ko lang malaman ay kung payag ka sa plano ko. Utang na loob ko sa’yo to kapag pumayag ka, iha"
Ngayon, ang mga Enriquez na ang may utang na loob sa kanya? Gusto niyang matawa.
"Iha... please?"
"S-sige po, Ma'am Jonie...." sagot niya. Alangan naman aayaw siya? Ito lang ang hinihiling ni Ma'am Jonie kapalit sa lahat ng mga tulong nito sa kanya at sa nanay niya.
Bahala na. Wala siyang magagawa kundi ang mag-adjust.
Habang nag-uusap sila, ay pumasok naman si Gray na mukhang kakarating lang.
Sandaling siyang natameme dito. Dumating na ang alaga niya.
Ngayon niya lang ito natitigan ng malapitan.
