[Apol]
Isang malakas na singhap ang kumawala sa labi ni Apol nang magising siya. Sa kabila ng lamig sa kwarto niya ay ramdam niya ang pawis sa noo niya. Hindi niya maintindihan pero sobrang kinakabahan siya.
Sa panaginip niya ay nag aagaw buhay daw ang Ate Alena habang nanganganak.
"Diyos ko, bantayan niyo po at panatilihing ligtas si Ate Alena." Paulit-ulit niyang dasal. "Sorry, ate ha. Alam kong may usapan tayo na sasamahan kita sa hospital para malaman kung ano ang gender ni baby... So-Sorry kasi hindi na yata ako makakauwi." Hindi niya mapigilan ang maluha. Kahit panaginip lang 'yon pero parang totoo.
Pinahid niya ang luha at saka bumuga ng hangin para kahit paano ay gumaan ang dibdib niya. May maayos na tirahan at may perang pantustos na ang kapatid niya, sapat na 'yon para kahit paano ay mabawasan ang alalahanin niya sa dibdib. Siguro naman hindi nagsisinungaling sa kanya si Mr. X nang sabihin nitong wala nang problema pagdating sa financial ang kapatid niya.
"Mrs. Helger, naghih
