[Apol]
"Dalhin mo ito sa kwarto ng asawa mo, Mrs. Helger." Inabot sa kanya ni Miss Carol ang isang tray ng pagkain.
"Miss Carol, ayoko po. Si Ester nalang po." Nginuso niya si Ester na ngayon ay namumutla na. Halatang hindi nito gusto na pumunta sa kwarto ni Mr. X.
"Bakit ako? Ikaw nalang, ikaw naman po ang asawa niya. Ay, nakalimutan ko may gagawin nga pala ako." Pagdadahilan nito bago nagmamadaling umalis.
"Miss Carol, naman... ayoko po." Naalala niya ang pag amoy nito sa leeg niya. Ayaw niya na maulit 'yon.
"Ikaw talagang bata ka, bakit ba parang takot na takot ka sa asawa mo? Ilang beses ko bang sasabihin sa'yo na hindi ka naman niya kakainin." Umiling-iling ito. "Oh siya, ako na ang maghahatid nito, sasabihin ko na ayaw mong dalhin ito sa kanya—"
"Teka naman, Miss Carol. Bakit mo sasabihin na ayaw ko? A-Ako ba ang sinabi niyang magdala nito?" Nang tumango ito sa kanya ay nagpapadyak siya ng paa na parang bata. "Dapat sinabayan nalang niya akong kumain kanina para hindi na siya ka
