[Apol]
Kanina pa siya hindi mapakali at palakad-lakad. Iniisip niya kasi kung ano ang magandang iregalo kay Xerxes. Gusto niya sana iyong siya mismo ang bumili at naggaling sa kanya ang pinangbili niya, iyong tipong pinaghirapan niya talaga.
“Mrs. Helger , baka pwedeng maupo ka muna, kanina pa kami nahihilo sayo, eh! Ano ba kasi ang problema mo at kanina ka pa ri’yan hindi mapakalo?” Napapakamot nalang sa ulo na tanong ni Rima sa kanya.
“Oo nga, magsabi ka lang baka makatulong kami. Wag mo lang kaming uutangan, ha.” Mabilis na dugtong nito.
Napangiwi siya. Hehe, ang totoo kasi ay naisip niya iyon kanina. “Ganito kasi ‘yon. Motmot na namin ng asawa ko at gusto ko sana na regaluhan siya, alam niyo na, nang regalo na galing sa sarili kong pera at ako mismo ang bumili. Ang kaso wala naman akong sariling pera. Saka paano ako makakabili ng regalo para sa kanya kung narito ako sa isla, diba?” Mahaba niyang lintanya.
Kumunot ang noo niya nang mapansin na nakakunot lang ang noo ng dalawa. “Hoy
