[Apol]
Naningkit ang mata niya habang nakatingin sa Isla habang sakay ng chopper ni Lolo Axel. ‘Humanda ka talaga sa akin, Xerxes, kapag nagkita tayo!’ Sisiguraduhin niya na magbabayad ito ng mahigpit na yakap sa kanya sa oras na magkita sila. Nakapagtatampo, bumalik ito sa isla ng hindi siya kasama. Mabuti nalang at nari’yan ang abuelo nito para tulungan siyang mahanap ito.
“Lolo, sigurado po kayo na hindi na kayo tutuloy?” Babalik na daw kasi ito agad sa Manila. Hinatid lang siya nito at siniguro na ligtas siyang makakauwi.
“Hindi ko na kayo iistorbohin pa ni Xerxes, hija. Basta iyong usapan natin na maraming apo ha, huwag mong kalilimutan!” Tatawa-tawang paalala nito sa usapan nila.
Kumunot ang noo niya ng mapansin na mas dumami pa lalo ang mga tauhan sa paligid, nagkalat ang mga ito na parang may pinaghahandaan.
Pagdating sa loob ay agad na tinungo niya ang kwarto nilang mag asawa. “Hubby, buksan mo itong pinto, alam kong nari’yan ka sa loob!” Malakas na tawag niya rito ng hindi n
