“Naku! Mag-aalauna na pala! Kailangan ko nang bumalik sa trabaho!” Taranta sabi ni Skye ng makita na 5 minutes nalang ay ala-una na. “Bye, Argus! Magkita nalang nila Rachel after ng working hours!”
“Bye, Skye—wait!” Pinigilan siya nito sa kamay, “nakalimutan kong ibalik sayo,” inabot nito sa kanya ang panyo na inabot niya dito kahapon. Natapunan kasi ito ng pagkain sa suot nito kahapon kaya pinahiram niya ito ng panyo.
“Naku, binalik mo pa talaga, sabi ko naman sayo ‘sayo na yan eh,” aniya sabay hampas ng mahina sa muscle nito, “pero sige na nga, para sa susunod ay makaulit ka… tig-bente din kaya ang isa nito sa divisoria.”
Natawa ito sa sinabi niya, “Ang witty mo talaga,”
“Talaga?” Tinakpan niya ang bibig kunwari, “naku, pasensya ka na… binibiro lang naman kita. Sige ha, aalis na ako… bye!”
“Bye, Skye,” ani nito sabay kindat sa kanya.
Pasipol-sipol siya habang pabalik sa opisina. Wala kasi ngayon si Adius, nasalubong niya ito kasama si Xian. Mukhang may lakad ang dalawa.
Hmm.
