[Apol]
Akala niya katulad ng mga napapanood niya sa mga korean nobela ay gwapo, matangkad at mukhang mabango ang anak ng kasosyo ng ama niya pero hindi pala.
Sa sobrang pandak ng lalaki mukhang hanggang kilikili lang niya ito. Sobrang puti pero mukhang puro an-an ang balat. Sa sobrang liit ng mata hindi siya sigurado kung nakakakita pa ba ito. Parang maliit na butlig lang na tumubo ang ilong nito sa mukha, tapos ang labi nito ay napakapula pero napakaliit din na parang lollipop lang ang kasya.
“Hi, my name is Roi ming ho— hey, ayot ka lan ba?” Nag aalalang tanong nito ng masamid siya.
“Ah ayot lan ako.” Natuptop niya ang bibig. Pati siya nabubulol makipag usap sa lalaking ‘to. Nakakahawa pala maging bulol.
Kasasabi lang niya kanina na kakain siya ng marami para hindi na kung ano-ano ang nakikita niya pero mukhang hindi siya makakakain ng maayos dahil katabi niya si Kulane. Sumisigid talaga sa kanyang ilong ang natural na amoy nito. Mukha lang itong mabantot dahil sa balat nito pero kun
