[Apol]
Para siyang prinsesa na nagpaikot-ikot sa harapan ng malaking salamin habang suot ang puting wedding dress na susuotin niya sa nalalapit nilang kasal ni Xerxes.
“Napakaganda mo, anak. Siguradong matutuwa ang ate Alena mong makita ka kung nabubuhay lamang siya.” Medyo emosyonal na wika nang nanay niya na naluluha.
“Tama ka, nay. Siguradong matutuwa siya para sa akin.” Bigla tuloy siyang nakaramdam ng lungkot nang maalala ang ate niya. Hanggang ngayon ay hindi parin sila sanay na wala na ito. Parang kailan lang ay masaya pa silang nagpa-plano para sa paglabas ng anak nito.
Madalas nilang dalawin si baby Adius sa bahay ni Kairo, ang matalik na kaibigan ng asawa niya. Ito pala ang ama ni Adius at hindi ang ex ng ate niya na nang iwan rito. Hindi niya alam kung paano nangyari iyon dahil hindi naman nilinaw ng ate niya kung sino ang ama ng anak nito. Wala naman itong naging nobyo maliban sa mayamang panget na ex nito. Kaya ayon akala niya ay ito ang ama ni Adius.
“Ate, mukha ka nang
