"CLYDE, how well do you know your girlfriend?" tanong ni Lando kay Clyde sa seryosong tinig.
Kaagad namang napalingon si Clyde kay Callie dahil sa sinabi ng Tito niya. "Are you implying my girlfriend is a werewolf?"
Tahimik at seryosong tinitigan si Clyde ng kan'yang Tito Lando subalit ilang sandali lang ay natawa ito bigla dahil sa reaksyon niya. "Binibiro lang kita," sabi nito sabay tapik sa balikat niya.
Napabuga ng hangin si Clyde at naiiling na ngumiti. "Kahit kailan talaga hirap pa rin akong basahin ka Tito Lando..." Muli, nilingon niya si Callie at nginitian nang makitang nakatingin ito sa kaniya. "Isa pa, kung totoo man 'yang pinaniniwalaan ninyong mga taong-lobo, imposible na kasapi sa kanila si Callie."
Umarko ang kilay ni Lando at naglakad patungo kay Callie. Sumunod naman sa kan'ya si Clyde.
"Well, we never know," anito, saka naupo sa kaharap na bench ni Callie. "Ano ang pangalan mo, hija?" nakangiti nitong tanong kay Callie.
Kinakabahan si Callie habang tinitingnan si Lan
