WALA NA talagang pag-asang magkakasundo sila ng lalaki sapagkat ilang araw na hindi sila nag-uusap at wala siyang planong humingi ng sorry kahit matubuan pa ng pakpak ang baboy. Walang kapatawaran ng ginawa nito sa kaibigan niyang si Angelo at sa kanya. Ilang araw na din siyang nagkukulong sa silid ng lalaki habang ito ay nasa library nito natutulog iyon ay ayon sa mayordoma. Hindi siya kumain pag-alam niyang nasa bahay ang lalaki, ayaw niya makita ang pagmumukha nito. Naalala niya pa ang nangyari noong gabing nangyari ang kaguluhan sa harap ng apartment niya.
TUMIGIL na ang kotse ng lalaki sa parking space ng mansion, mapait na ngumiti siya. Here she is again, bumabalik sa kanyang napakalaking hawla kasama ang halimaw na nasa tabi niya. Walang imik nakiramdam siya na hindi ina-angat ang ulo sa pagkayuko mamaya pa ay narinig niyang bumukas ang pintuan na nasa gilid niya.
"Hindi ka pa ba baba?"
Hindi siya umiimik, wala siyang planong kausapin ang lalaki, baka mag-away lang sila uli at
