"Maupo ka d'yan at buntis ka. Baka mapagod ka pa. Ipapahanda ko sa mga pamangkin mo ang meryenda na dala niyo para sabay-sabay na tayong makakain." Malumanay niyang sabi. Ma, hindi bagay. Natawa lang ako sa mga sinasabi ni mama. "AJ at Abegail pakihanda ang pagkain para makakain na ang tito at tita mo." Utos niya na agad naman ginawa ng dalawang bata.
Sana pala lagi nalang nandito si Levi para maramdaman ko naman na inaasikaso ako ni mama. Never ko kasi naranasan iyon.
Ano kayang feeling na inaasikaso ka ng mama mo, sa lahat-lahat. Yung hindi siya magpapanggap na mabait sa harap ng ibang tao, para lang masabihan siyang best mom.
Ang swerte ni ate kasi lahat ng gusto niya, binibigay lagi ni mama sakanya. Siya rin ang nakaranas ng aruga ng isang ina. Lahat ng mayroon si mama binibigay niya kay ate kahit na mawalan siya basta naibigay niya iyon sa paborito niyang anak.
Hindi ko lang matanggap kasi hindi iyon na-a-appreciate ni ate. Nagagalit ako dahil hindi siya maaasahan ni mama. Dapat
