Napalundag sa tuwa si Mommy nang yakapin ko siya mula sa likod. Nagulat pa si Daddy sa sigaw ni Mommy. Nakakatuwang tingnan ang parents ko. Napaluha ako dahil sila ang gusto kong tularan. Gusto kong makasama si Haime hanggang sa pagtanda namin, pero paano pa iyon mangyayari ngayong may iba na siya?
“Anak, nasaan ang asawa mo? Hindi mo ba siya kasama ngayon?” tanong ni Mommy.
“Hindi, Mom. May trabaho pa kasi si Haime kaya hindi siya nakasama,” sagot ko habang hawak ang kamay niya. Hinimas niya ang pisngi ko habang si Daddy ay masayang nakikipagkuwentuhan sa amin.
“Bakit hindi mo naman kami sinabihan na padating ka? Sana pinahandaan ka namin kay Luming ng paborito mong pagkain,” sabi ni Daddy. Halata sa boses nila na matanda na talaga sila.
“It’s okay, Dad! I just wanted to surprise you. Ang tagal na rin ng huli nating pagkikita,” sagot ko. “Nag-short leave lang ako para makabisita. Nag-join na kasi sa company namin si Jasmin, kaya nagkaroon ako ng oras na maiwan ang trabaho kahit papaa
