Dumating ang araw na paparusahan nila si Marcus.
Hindi ko alam kung anong magagawa ko para iligtas siya.
Naghahanda ang lahat para sa gaganapin mamaya, kaya hindi na ako nag-isip at pinuntahan si master.
Pagpasok ko sa kwarto niya ay nakita ko siyang nagkakape.
"Master." Halos bulong na iyon pero alam kong narinig niya.
Sana naman umayon ngayon ang sinasabi niyang ako ang paborito niyang estudyante. Sana naman pakinggan niya ako. Ngayon lang ako lumapit sa kanya para humingi ng pabor. Alam kong mahirap pagbigyan ang kagustuhan ko pero susubukan ko.
Wala namang kasalanan si Marcus.
"Aloisia, maupo ka." Kalma na saad niya.
"Bakit? Biglaan ang pagpunta mo rito. Aloisia..."
Napabuntong hininga siya.
"Hindi ako galit sayo, pero sana hindi mo hinayaan na gawin ng demon na iyon ang pagtangka sa dark room. Huwag kang mag-alala, hindi naman ako galit sayo."
"M-mas
