Tinakpan ni Thyra ang kaniyang bibig upang maiwasang gumawa ng ingay.
Nanginginig ang kaniyang katawan ngunit pinilit niyang pinagtibay ang loob upang umalis doon.
Nang makalayo siya ay paulit-ulit niyang inisip ang bawat eksenang kasama niya si Laureen. Kung paano ito nagpakilala, at kung ano'ng mga ginawa nito sa kaniya.
"P-Paano kung gusto niyang maghiganti dahil ayaw sa kaniya ni Brett?" Wala sa sariling tanong ni Thyra saka lumingon sa building nina Laureen.
Napalunok siya at dali-dali siyang pumara ng traysikel upang makaalis na roon.
Nang makauwi si Thyra ay hindi pa rin maalis sa isipan niya ang nasaksihan.
"Paano kung siya rin ang nagpa-ambush kay Brett dati?" Kunot-noong sambit niya habang nakaupo sa kaniyang kama.
Nanlaki ang kaniyang mga mata nang maalala ang sinabi ni Anthony na may nang-ambush din sa kaniya dati na kapareho ang sasakyang gustong banggain si Brett.
Agad niyang kinuha ang kaniyang cellphone at tinawagan si Anthony.
Tumingin siya sa wall clock at nakitang m
