"Oh, 'ayan. Inumin mo na. Kanina ka pa reklamo nang reklamong masakit ang katawan mo," sambit ni Nadia saka iniabot kay Thyra ang gamot para sa sakit ng katawan.
"Thank you."
Agad niya iyong kinuha at ininom.
Nakangiting nakatingin sa kaniya ito kaya napakunot-noo siya.
"Ano na naman? Ano'ng gusto mo?" Tanong niya.
Luminga-linga naman si Nadia sa paligid.
"Ngayong wala pa si Felip, sabihin mo sa akin kung bakit masakit ang katawan mo. At mukhang puyat ka pa."
Napaiwas naman siya ng tingin.
"Kung anu-ano ang iniisip mo," sabi ni Thyra.
"Luh? Wala pa akong sinasabi," natatawang wika ni Nadia.
Ini-relax naman ni Thyra ang kaniyang likod sa kaniyang upuan at umiling-iling.
"May ginawa kayo, 'no?" Pang-aasar nito saka sinundot ang tagiliran niya.
Sinamaan naman niya ito ng tingin.
"A-Ano lang, naglinis lang ako kagabi, at medyo ginabi na rin," pagsisinungaling niya.
"You know what, magsinungaling ka na sa iba, huwag lang kay Nadia," sagot naman nito.
Natawa naman si Thyra sa kaniya.
"Iba a
