PAGOD na pagod na umupo si Wren sa sofa ng makarating siya sa bahay niya. Galing siyang Korea para bumili ng mangga. Hindi naman Korean mangoes iyon kasi walang gano'n. Galing lang itong Korea. Nilagay niya ang kanyang dalang mangga sa kusina bago bumalik sa living room. Ipinikit niya ang kanyang mga mata para sandaling magpahinga.
Kagagaling lamang niya sa hospital, bum'yahe agad siya patungong Korea para sa mangga ng mahal niya. Ayaw naman niyang ibilin sa iba iyon dahil ito ang unang paglilihi ni Yzainna na kasama siya. Ito ang unang pagbubuntis ni Yzainna na kasama siya. Gusto niya lahat ng gusto nito ay siya ang gagawa.
"Zarus?" Agad niyang iminulat ang kanyang mga mata ng marinig ang malambing na tinig na iyon.
Umayos siya ng upo at tiningnan ito. "Hindi ka pa natutulog? Gabi na, darling. Iyong mga bata?" tanong niya.
Umiling ito saka tumakbo papunta sa kanya. Agad itong umupo sa kanyang kandungan, niyakap siya. "Kinuha nila Mommy Lyn kanina, doon daw muna ang tatlo." Ngumuso i
