Lumayo na ang mag - asawa ng tuluyan. Iniwan ni Kristoff ang buhay na kanyang kinagisnan. Ipinagpalit niya ang karangyaan at kayamanan makasama lamang ang minamahal na si Abby. Magsisimula sila ng panibagong yugto sa isang simpleng nayon na tinatawag nilang Chester Village. Simple lang ang pamumuhay doon, ibang iba sa siyudad kung saan sila nanggaling. Sariwa ang hangin sa lugar, may mga puno at bukirin, namumulaklak din ang iba't ibang mga bulaklak, walang polusyon, malinis at may magagandang tanawin. Ang mga tao ay magkakakilala at nagtutulungan.
Bumili ng bahay si Kristoff. Maliit man ito ay may dalawang palapag pa rin at may hardin at bakuran. Gusto niya na sa munting bakuran nila ay doon maghahabulan ang kanilang mga chikiting pagdating ng panahon.
Pagkarating nila roon sa bahay ay talagang bakante ito. Wala pang gamit ni isa gaya ng upuan o di kaya kama o mesa. Kahit ganoon, namangha si Abby. Hindi siya makapaniwala na magsasama na sila ni Kristoff sa iisang bubong. Abot langit
