Athena’s P.O.V.
“Pero, bakit? Bakit kailangan niyang gawin sa akin ‘yon, Tyler? Para ano? Para kapag nagkabalikan ulit kaming dalawa ni Cristoff, gagawa na naman siya ng paraan para paghiwalayin kaming muli?” saglit muna akong tumigil para huminga nang malalim.
“It doesn’t make any sense! He hated Cristoff. So, hindi ko talaga maintindihan si Daddy kung bakit kailangan niyang gawin ‘yon! Why does he have to torture my feelings again? Palagi na lang kasi eh… I mean, paulit-ulit na lang! Hindi pa ba siya nagsasawa?” litong-lito kong tanong sa kanya, habang binibigyang-diin ang bawat salitang aking binibitiwan.
Nakahawak pa rin ako sa ulo ko at kulang na lang ay sabunutan ko ang sarili kong buhok sa sobrang kalituhan. Napakabilis ding pangilidan ng luha ang aking mga mata.
