Ashley
Umaga na nang makatanggap ako ng tawag mula kay Mama. Nangungumusta lang naman siya. Marami siyang paalala tungkol sa buhay-may-asawa. At bigla ay bumundol ang kaba ko nang banggitin ni Mama ang tungkol sa honesty.
“Be honest always. Be honest to your husband. Ang tiwala ay hindi basta-basta nakukuha o naibabalik sa dati kapag nasira na.”
Napaluha akong bigla sa narinig. Hindi ko alam kung dahil ba iyon sa guilt o sa takot.
Gustong-gusto kong ipagtapat kay Mama ang totoong sitwasyon. Ang totoong dahilan ng pagpapakasal namin ni Gem. Hindi man sila magtanong, alam kong nagtataka sila na bigla ay nagpakasal kami. Gusto kong sabihin kay Mama ang lahat kaya lang ay ayokong mamroblema siya sa akin. Ginawa ko ito at ako ang dapat na umayos. Hindi pa nga lang ngayon. Hindi ko pa kayang magtapat. At hindi ko alam kung kailan ko kakayanin.
“Ashley?”
Napalingon ako bigla. Nakasilip si Gem sa sliding door na naghahati sa veranda at master bedroom. Agad akong nagpaalam kay Mama habang pin
