ANG akala ni Faye ay didiretso na sila ni Anand sa eskuwelahan pero nagkamali siya dahil pinark ni Anand sa isang fastfood ang kotse nito.
"Pasensiya ka na kung sa Jollibee lang muna ang first date natin, mali-late ka kung magha-hanap pa tayo ng ibang kakainan," wika ni Anand sa napakalambing na tono.
"Kahit naman hindi tayo kumain ay okay lang," nahagilap niyang sabihin.
"Hindi magandang pumasok na walang laman ang tiyan," wika ni Anand.
Natutop niya tuloy ang tiyan dahil sa sinabi ni Anand. Alam niyang kaya nabuking ni Anand na hindi pa siya kumakain dahil nag-iingay na ang mga buwaya niya sa kanyang tiyak.
Masaya kasing nag-uusap-usap kanyang Papa, Tita Amanda at si Tricia habang nag-aalmusal at alam niyang masisira ang mood ng kanyang ama kapag nakita siya nito kaya minabuti na lamang niyang umalis ng hindi nag-aalmusal.
"Love," wika ni Anand.
"Love?" Wika niya.
"Tayo na kaya ang endearment ko sa'yo Love. Ikaw, anong itatawag mo sa akin?" malambing na tanong nito sa kanya.
