*****RAIN*****
GULAT ANG unang nakita ni Rain sa mukha ni Aling Nikka nang buksan nito ang kanilang pinto sa gilid ng grocery store nito at si Rain dala ang tupperware na pinaglagyan ng sinigang nito ang bumungad sa ginang. Kabado man siya sa kaniyang pakay ay pinilit niyang ngumiti rito.
"Magandang tanghali po, tita. Isasauli ko lang po sana 'yung tupperware dahil baka kailanganin ninyo, pero nilagyan ko muna ng lasagna na ni-bake ko kahapon."
"Nag-abala ka pa, Rain. Pero salamat, parte kasi ito ng koleksyon ko, e." Natutuwa nitong tinanggap ang dala niya, kapagkuwan ay inilahad nito ang kanilang bahay. "Halika sa loob at tikman natin ito. Amoy pa lang mukhang masarap na, ah."
To be invited by her at their living room is part of her plan... Wala si Andrew sa bahay nila ngayon, ang sabi ng pinsan nitong si Marco'y may nilakad sa kabilang bayan. Kaya naman naglakas-loob si Rain na dumalaw sa bahay nila para sumilip sa silid nito.
Hindi lingid sa kaalaman niyang masama ang balak niya, pe
