MULING tinitigan ni Luke ang mukha sa salamin. Inayos niya ang buhok. Dapat ay wala ni isang hibla nito ang wala sa ayos. Mukhang dapat din siyang magpulbo. Pumasaere ang kaniyang kamay upang sana kunin ang lalagyan. Natigilan siya noong mapansing may kakaiba sa kaniyang kilos. "O, come on. Luke, bakit ka pa ba nag-aayos?"
'Para namang titingnan ka ni Logan oras na nagpulbos ka!'
Inis na hinalbot ni Luke ang cap sa ibabaw ng drawer at pwersahang ikinabit iyon sa ulo. Bumakas ang disgusto sa kaniya nang mapansin na sa kaniyang baywang, isang kabibili lamang na pantalon ang nakasuot. Ito iyong isa sa pares ng pantalong hindi niya man lang nasubukan muna bago inuwi. Ayaw niyang makulong muli sa isang cubicle kasama si Logan lalo pa't naroon lamang si Miley sa gilid at nakamasid.
Isa na ngang himalang maituturing na hindi sila sinita ng saleslady roon. Siguro iyon ay dahil doon madalas mamili ng damit si Logan.
Tumunog ang telepono ni Luke. Ma
