Chapter 17

MATAPOS lumabas ni Gab sa suite ay dali-dali akong nagpadala ng message kay Noreen.

"Nagpa-reserve na ako ng room katabi ng akin."

Naghintay akong mag-reply siya pero bumalik na lang si Gab ay wala akong natanggap.

"Tara na, naghihintay na sa baba ang rented car," ang sabi niya at kinuha ang mga gamit ko for the photoshoot.

Tumingin muna ako sa balcony ng suite kung saan ay makikita ang lugar sa labas. Ang ganda ng city rito sa Toulouse. Sigurado akong magugustuhan rito ni Noreen kapag nandito na siya.

Sandali pa lang ako rito pero parang gusto ko ng magtagal. Mabuti na lang talaga at ako ang kinuha ng isang kilalang fashion brand para gawing model.

One-day shoot lang ang gagawin at magtatagal pa kami ng isa pang araw pagkatapos para ma-enjoy naman namin ang lugar.

Lumabas ako sa suite at sinundan si Gab. Naabutan ko siyang naghihintay na sa akin. Napansin