Kabanata 33

"B-Babe," gulat na tawag ko sa kaniya.

Madilim ang mga mata niyang nakatingin sa akin. Dumaloy tuloy ang matinding kaba sa sistema ko dahil ngayon ko pa lang siya nakitang ganito.

"Anong ginagawa niya sa bahay niyo?" seryosong tanong niya.

"M-Masakit, b-bitawan mo ako," Ngumiwi ako habang pilit na tinatanggal ang mahigpit na hawak niya sa aking braso. Binitawan din naman niya ito kaagad nang hindi inaalis ang masamang tingin sa akin.

"Answer me, Amara Lorraine! Bakit siya nandito sa inyo?" tanong niyang muli.

"N-Nagpatulong lang siyang gumawa ng letter para sa babaeng gusto niya," sagot ko.

"Nagpatulong ba talaga o may ginagawa kayong iba?" he scoffed. "Tang ina, Amara! Text ako nang text, tawag rin ako nang tawag pero ni isa ay wala kang sinagot. Pinuntahan kita dito sa inyo para makita ka tapos ito ang madadatnan ko? Makikita kong may lalaking lumabas mula sa bahay niyo?"

Nakagat ko ang aking labi habang ang puso ko ay labis sa pagp