CHAPTER IV

Oo nga pala kasama si Lynn sa tumakbong Miss Intramurals at si Hilberto bilang Mister Intramurals. Sila ang tumakbo para sa klase namin. Kung nakita niyo lang ang kagandahan ni Lynn nung sa mga oras na rumarampa na siya, sigaw kami ng sigaw ng mga kaklase ko. Napainlab na naman niya ako. Tinanaw ko ang manliligaw niya, proud na proud naman siya rito akala mo sinagot na. At sa kagandahang palad din ay sinungkit nila ang Best in Athletic Attire, Best in Summer Attire, at Best in Talent. Sila din ang tinaguriang Miss and Mister Intramurals sa taong 2008-2009. Bale, walang nangyaring maganda sa Intramurals ko dahil di naman ako sumasali sa laro, gusto ko sana basketball kaso hindi rin naman ako nakakahawak ng bola dun dahil puro lalaki ang naglalaro. Alam mo naman kapag basketball ang pinag-usapan sa iskul namin, palaging boys ang bida. Buti na lang may mga kasama akong na ibang baitang, pinapanuod ang mga naglalaro. Sabay kami kumain ng mga snack namin. Mga ganung bagay. Nung medyo na out of place na ako, sa ibang baitang naman ako nakikisama, kahit tahimik akong tao, rakista syempre di mawawala yun, meron din naman akong mga kabarkada sa iba't ibang baitang. Nakikipagkaibigan din naman sila sa akin. Hangga't makakita ako ng mga kaklase kong hindi kasama sa mga palaro, yun nagkakantahan kami ng yung ikaw lamang ng silent sanctuary, tuliro ng spongecola, loveteam ng itchyworms, basta yung mga nauusong kanta nuong mga panahon namin. Kasama ang gitara ng kaklase ko at habang ginagawa kong tambol ang aking mga hita. Hehehehe! Kumakanta kami nang biglang may nagrequest sa emcee ng Intrams na patugtogin ang Vulnerable ng Secondhand Serenade. 

Share with me the blankets that you're wrapped in

Because it's cold outside

(it's cold outside)

Share with me the secrets that you kept in

Because it's cold inside

It's cold inside

And your slow shaking fingertips show

That you're scared like me so

Let's pretend we're alone

And I know we're maybe scared

And I know we're unprepared

But I don't care

So tell me tell me what makes you think that you are invincible

I can see it in your eyes that you're so sure

Sabay kanta din namin ng mga kaklase ko. Habang may umepal na isa

"Guys, pisbol tayo uwian na naman ngayong hapon"

Ganun pa din naman ang highschool days ko. Nagcocommute kapag papasok sa iskwelahan at nagcocommute uli kapag uuwi. Kinse pesos na ang bayad sa bus o dyipney subalit nuong mga Grade 2 pa ako, mga limang piso lang ang binabayad ko. Iba na talaga ang panahon. Ganun pa din kumakain kapag feast day ng class, o kaya naman kapag feast day ng santo at santa ng paaralan namin, sumasayaw kapag family day, december yun, kumakain kapag christmas party, tsaka nagbibigay ng regalo kapag pebrero sa mga teachers. Pebrero na nga pala, yun ang buwan kung kailan may outing ang class namin. Naalala ko ang text ni Lynn sa akin, kapag nakagreen daw na panyo ang ginamit niya pakatapos ang outing namin, ibigsabihin sinasagot niya na yung mangliligaw niyang si Merio. Enenjoy ko na lang yung outing namin, nagswimming, kumain ng kumain tapos kumukuha ng picture gamit ang camera ni Lynn.

Masaya naman ang pagiging thirdyear ko lalo ng may dumating na hindi ko inaasahan.

Bakit kaya ganun noh? Kapag broken ka, may dumadating para isave ka sa sakit. Marso nuon, may nagtext sa akin. Ang pangalan niya daw ay si Ana na jowa ni Quiven na taga ibang skwelahan. Si Quiven naman ay kabarkada ni Merio at kaklase na kabatchmate namin ni Lynn. Nagtaka ako kasi yung Quiven na yun ay boyfriend ng isa kong kaibigan na kaklase si Merijoy. Kaya bilang kaibigan, tinanong ko si Merijoy kung kamusta ang relasyon nila ni Quiven. Ang reply niya sa akin "ayos naman kami Khaella. Bakit? May problema ba?" Dahil sa pagtataka ko at para mawala na ang kalokohan ni Quiven, sinabi ko kay Merijoy na may nagtext sa akin na Ana ang pangalan na jowabels daw sa ibang skwelahan ni Quiven. Nabigla dito si Merijoy, siguro, agad agad niyang tinext si Quiven dahil bigla akong tinext ni Quiven ee. 

"Anong sinasabi ni Merijoy na may nagtetext daw sayo na jowa ko sa ibang iskul?"

Kaya yun pinaliwanag ko ang tungkol dito habang tinetext ko din yung Ana na yun. Kung ano pinagsasabi sa akin sabi niya peyborit niya daw ang Coca-cola kesa sa royal. Friendly ako eh, kaya hindi ko nagawang tarayan yung Ana na yun, naging textmate pa nga kami nun hanggang gabi. Baka nagkagulogulo na yung relasyon nina Quiven at Merijoy dahil sa kanya pero tinetext ko pa rin para alamin kung sino talaga siya. At napaamin ko nga. Nakuha niya daw ang cellphone number ko sa ate niya na kaibigan ko. Naisip ko nun ay walang iba kundi si Lynn kaya tinanong ko si Lynn, sakto tinawagan ako dahil nagtatanong tungkol sa project namin sa Math. So yun na nga, tinanong ko siya kung kilala niya ba ang number na yun, natawa siya dahil sa pinaliwanag ko ang mga nangyari, sabi niya "ang galing talaga ng kapatid kong yun". Kapatid niya pala si Clowie. Muntik nang mauwi sa break-up ang tambalang "QJ" buti nalang at naipaliwanag ni Clowie ang lahat. Simula nuon, text na kami ng text sa isa't isa, tawagan ng tawagan tuwing umaga lang bago pumunta ng skwelahan at tuwing gabi kasi bawal magdala ng cellphone o anumang gadgets except kung may outing at may permiso sa school.. Naging magkaibigan kami ng sobrang ganun kaclose kahit pinadala na siya sa Pasay para dun mag aral ng grade 6. Sa Pasay kasi talaga sila naninirahan, umuwi lang sila sa Albay para may kasama ang tita, Lolo at Lola niya. Palagi kaming magkatext at magkatawagan ni Clowie kahit di na siya nag aaral sa catholic school na pinag aaralan namin ng ate niya. Hindi pa uso nuon ang video chatting sa f******k. Dahil sa sobrang close namin sa isa't isa, nagselos sa akin ang ate niya na hindi ko namamalayan. Nalaman ko na lang nang may nakapagsabi sa akin na isang kaibigan.