Chapter 8

“Dad, aalis ka na naman?” Natuwa na sana ko dahil sa wakas ay naabutan ko siya dito sa bahay pero nawala agad ang sayang naramdaman ng mapansin ko ang bag na dala dala niya. Excited pa mandin sana akong ipaalam sa kanya na nakakuha na ako ng internship, kahit pa hindi iyon ang talagang plano ko noong una.

“Andyan ka na pala, mabuti at naabutan mo ako. Ikaw na muna ang bahala dito at may conference lang akong dadaluhan sa Singapore. Isasama ko na rin ang Tita Alice mo para naman makapamasyal na rin siya.” Tukoy niya sa sekretaryang ngayon ay papakasalan na raw. “Nagtatampo na sa akin iyon at hindi ko siya naipapasyal lately dahil ang daming trabaho sa opisina.”

“Mabuti pa si Tita Alice, kapag nagtatampo bumabawi ka. Sa akin kaya dad, kailan ka babawi? Kailan ka magkakaroon ng oras para sa akin?” hindi ko na naiwasang manumbat. Masyado nang mabigat ang nararamdaman kong pagtatampo. Alam kong hindi siya ganito, hindi niya ak