Chapter 39

Narinig ko ang sigawan ng mga tao na mas lalo pa yatang lumakas. Napatingin ako kay Jamie at nakita ko siyang pababa na ng stage at inaalalayan siya ng ibang event staff.

Bumalik ang tingin ko kay Anthony na ngayon ay nakaluhod pa rin sa harap ko. Bawat segundo na hindi ako sumasagot sa kanya ay mas nakikita ko ang kung anong panghihina sa mga mata niya.

Nanginginig ang kamay kong inabot ang kamay niya na nakataas pa rin dahil sa pagpapakita niya sa akin ng singsing.

"Ayoko..." nakita ko ang pagbalatay ng sakit sa mukha niya at kaagad siyang yumuko. Sinalo ko ng dalawang kamay ko ang mukha niya at nagulat ako na