Chapter 44 - The Mysterious Book

"Hindi mo kailangang lumuhod sa harapan ko. Isa pa ay isa lang akong empleyado na kasama sa nag-catering service ngayon, hindi mo kailangang maging magalang sa'kin. Nirerespeto lang nila ako dahil sa mahusay ako makipaglaban, yun lang." wika ni Luke.

"P-pero—"

"Gaya nga ng sinabi ko ay mahirap lang ako, sino ba naman ako upang magdesisyon para sa kaparusahan ni Mr. Velasquez?" putol ni Luke sa sasabihin ni Lance.

Lumapit si Luke kay Malcov. "Mr. Malcov, masyado niyo naman po ata akong iginagalang. Wala po ako sa tamang lugar upang magdesisyon para sa balak niyong gawin kay Mr. Velasquez. Ano man ang balak mong gawin sa kanya ay labas na po ako roon. Ayoko pong sumama ang loob sa'kin ng pamilya Velasquez."

Naunawaan ni Malcov ang ibig sabihin ni Luke. Para itong encrypted message na sila-sila lang ang nagkakaunawaan.

"Tama ka nga. Nagulat lang ako kanina dahil sa ikaw pala ang ipinapadukot ni Richard sa'kin." Nakangising tiningnan ni Malcov si Theodore. "Plinano niyo ni Richard na ipad