Kabanata 40

“Pelipe,” Bati ng isang dalaga na may maputlang kulay ng balat, tulad ng kung anong meron ang lalake. Mga kulay na kahit sikat yata ng araw ay mahihiyang humalik sa mga balat nito, ang buhok nito na alon-alon na bumabagay sa maliit nitong mukha, mapupula at makipot na labi, mga mata na parang namimintas, nanliit si Maria sa nakikita.

Ito ba ang dahilan bakit gusto niyang bumili ng bagong damit at mag-ayos dahil may darating na ibang babae para agawin ang pansin ng binata. Yumuko siya ng makitang naligaw ang tingin ng babae sa kaniya, hindi niya kayang salubungin ang tingin nito.

“Maligayang kaarawan sayo, Ginoong Pelipe, ngunit hindi yata maganda ang aking oras ng pagdating para bumati sayo?” Makahulugang sabi nito na nakatingin pa rin kay Maria na parang binabasa ang buong pagkatao niya pati kaluluwa. Hindi siya sanay na tignan ng ibang tao! “Bagoong nobya mo, Ginoo?” dagdag na tanong nito, tumingin naman