Chapter 36

CHAPTER 36

Hindi mapalagay si Arthuto habang naghihintay siya sa pagdating ni Attorney Josh. Nandito siya ngayon sa isang malaking bodega na walang ibang mga gamit kundi ang mga box ng mga ginagawang alak. Sa pagkakaalam niya ay pagmamay-ari na ito ni Attorney Josh. Isa kasi sa pamilyang Warrunt ang taga-import ng alak sa iabng bansa. Kaya isa rin ang pamilyang Warrunt sa pinakamayaman.

Sabi ng mga empleyado ay hindi pa raw nakakapunta ulit dito si Attorney Josh ngunit tumawag ito para ihanda ang isang kuwarto na kanilang pag-uusapan. At wala rin naman siyang problema kung naghihintay siya dahil nagagandahan din naman siya sa mga malalakit at maliliit na box para sa mga alak.

“Mr. Gatciano,” tawag sa kanya ng isang empleyado ni Attorney Josh.

Agad siyang lumingon sa kanyang likuran. “Ano po iyon?” tanong niya.

Ngumiti ito sa kanya bago sumagot. “Pinapaalala sa akin ni Boss Josh na kung magugutom po kayo ay puwede kayong kumain. Naihanda na po namin sa kuwarto at kung iinom di