Chapter 23

Cedric’s POV

“Nasaan si Chloe?” Tanong ko sa mga katulong bago humigop sa tasa ng mainit na kape. Hindi ko kasi naramdaman ang presensya nito sa buong kabahayan.

Nakasanayan ko na sa tuwing umaga ay palihim kong sinusulyapan ang mukha nito. Wala naman akong nararamdaman para sa aking asawa maliban sa galit ngunit sa tuwing nakikita ko ang mukha nito ay nawawala ang lungkot sa puso ko.

Nag-angat ako ng tingin ng walang sumagot sa aking tanong.

“Wala na ang babaeng iyon, sumama na siya sa ibang lalaki at kung hindi ko pa naabutan marahil naisama na rin niya ang bata sa pagtakas.” Sabi ni Agatha habang namimilantik ang mga daliri nito sa paghawak ng kanyang kutsara at patuloy sa pagsubo. Halata sa mukha nito na maganda ang gising niya ngayong umaga.

“Mr. Ross!” Tawag ko sa aking assistant.

“Yes, my Lord?” Nakayukong tanong nito sa akin ng makalapit.

“Ngayon din ay ipahanap mo ang babaeng iyon at huwag kayong titigil hanggat hindi naibabalik dito sa Mansion!” Galit ko