Chapter 48

Lexie’s POV

“Anong nangyari sayo at parang nakakita ka ng multo?” Tanong sa akin ni Madam Ferly, hindi kasi ako mapakali sa aking kinatatayuan.

Parang nagdadalawang isip ako na lumabas ng stage, dahil hindi ko alam kung anong gagawin ni Tanda sa oras na makita ako nito.

Muli akong sumilip at kita ko na panay lang ang kalikot ni Tanda sa kanyang cellphone, simula kanina ay hindi man lang maalis ang mga mata nito sa screen ng kanyang cellphone.

Nakadama ako ng inis, sino kaya ang katext nito? Nakasimangot na ako, parang gusto ko ng lapitan ito para hablutin ang cellphone nito at itapon. Naagaw ang atensyon ko sa pagdating ng isang babae at umupo ito sa tabi ng aking asawa.

Lalong kumulo ang dugo ko dahil sa matinding selos, napansin ko lang na simula ng dumating ang babaeng hitad na ‘yon ay hindi na muling sinilip pa ni Tanda ang kanyang cellphone.

Hindi kaya si Agatha ang katext nito? Ibig bang sabihin ay okay na ulit sila? Para akong nakarinig ng isang crystal na nabasag mula sa loob