CHAPTER 11. DESICION

Naging magulo ang isip ko dahil sa sinabi ni Sir Shawn. Parang tama naman siya, gustong-gusto kong ipatuloy ang talentong iniwan sa akin ng Mama at Papa ko. Nandito ako ngayon sa condo habang nagmumuni muni. Kanina ko pa tinatawagan si Shanella pero hindi ko siya makontak. Saan kaya ang babaeng iyon? Naisipan kong puntahan siya sa kanyang room. Pagkarating ko doon halos dumugo na ang aking kamay sa pagkatok nang pintuan ng kwarto nito pero walang bumubukas. Nagpapaalam din siya sa akin kapag aalis siya ngayon lang ata hindi.

Biglang tumunog ang cellphone ko sa aking bulsa. Kinuha ko iyon para makita kung sino ang tumatawag. Lumitaw ang pangalan ni Shanella kaya kaagad ko itong sinagot.

"Hello? Nassan ka? Kanina pa kita hinahanap ah," sabi ko.

"Ahmmm... basta may pinuntahan akong importante. Punta nalang ako sa condo ko kapag nakauwi na ako!" aniya. Tila nagmamadali siya at nagulat ako ng may narinig aking boses ng lalaki.

"Shanella! Shanella!" tawag ko sa kanya pero binabaan niya ako