Chapter 16

Alessia's POV

HINDI ko na alam kung paano ako nakabalik sa kwarto ko. Natagpuan ko na lang ang sarili ko na nakaupo sa sahig habang yakap yakap ko ang aking mga binti. Namamaluktot akong nakasiksik sa isang sulok habang patuloy sa pagpatak ang aking mga luha.

Halo-halo ang nararamdaman ko na pakiramdam ko ay sasabog na ako ano man oras. Aminin ko man o hindi ay nagulat ako sa nga sinabi ni Elijah. Hindi ko inasahan ang mga iyon, ngunit imbes na manlambot ako, mas lalo lang akong nakaramdam ng galit at walang puwang ang pagmamahal na sandali kong hinanap.

Tumutulo ang luha ko na hindi ko alam kung para kanino iyon. Para ba iyon sa sarili ko na ilang taon nagtiis at nasaktan at malalaman ko lang na sinadya ang lahat ng iyon? O dahil sa nasaktan ako sa walang katuturan na bagay? Bakit pakiramdam ko ay kay dali lang para kay Elijah na manipulahin ako? Wala ba siyang tiwala sa akin kaya nagawa niya ang lahat ng iyon? Hindi ba niya magawang pagkatiwalaan ako sa mga panahon na iyon?

Hindi ko